दुर्घटनामा मोटरसाइकल चालकको मृत्यु

विराटनगर, पुस २४ गते । रातो तारा डट कम,
मोरङको रतुवामाई नगरपालिका ९ इटहरामा ट्रयाक्टरको ठक्करबाट हिजो आइतबार साँझ एक जना मोटरसाइकल चालकको मृत्यु भएको छ ।

उर्लाबारीबाट बरडंगातर्फ जाँदै गरेको मे १ त ५९५६ नम्बरको ट्याक्टरले विपरित दिशाबाट आउँदै गरेको को १२ प ६२८७ नम्बरको मोटरसाइकललाई ठक्कर दिंदा दुर्घटना भएको हो । दुर्घटनामा मोटरसाइकल चालक रतुवामाई ९ का ४५ वर्षीय सोमनाथ गौतमको मृत्यु भएको इलाका प्रहरी कार्यालय सिजुवाका प्रहरी निरीक्षक विष्णुप्रदिप बस्यालले जानकारी दिनु भयो ।

बस्यालका अनुसार दुर्घटनामा गम्भीर घाइते गौतमको उपचारका क्रममा उर्लाबारीमा मृत्यु भएको हो । दुर्घटनाका बेला दुबै सवारी साधन तीव्र गतिमा रहेको प्रहरीले जनाएको छ । प्रहरीले ट्रयाक्टर र चालकलाई नियन्त्रणमा लिएर घटनाको अनुसन्धान सुरु गरिएको जानकारी दिएको छ ।