शिक्षालिप कलेजको ९ औं वार्षिक उत्सवका सम्पन्न

विराटनगर, फागुन १७ गते । रातो तारा डट कम,
एक नम्बर प्रदेशका सामाजिक विकास मन्त्री जीवन घिमिरेले सरकारी र संस्थागत लागतमा संचालित शैक्षिक संस्थाका बीच समान प्रतिष्पर्धा हुनुपर्ने बताउनुभएको छ ।

शिक्षालिप कलेजको ९ औं वार्षिक उत्सवका अवसरमा १६ गते विराटनगरमा आयोजित एक कार्यक्रममा बोल्दै उहाले यस्तो बताउँनुभएको हो । सरकारी लगानि र निजि लगानिमा संचालित शैक्षिक संस्थाका बिच ठुलो खाडल देखिएको र यसलाइ आफुले पुर्ने प्रतिबद्धता व्यक्त गर्नुभयो । शैक्षिक क्षेत्रमा निजि संस्थाहरुको योगदान अतुलनिय रहेको बताउँदै उहाले अब सरकारी लगानिमा संचालित शैक्षिक संस्थाहरुमा पनि सुधार ल्याउने दाबि गर्नुभयो ।

विराटनगरलाइ शैक्षिक हबका रुपमा विकास गर्ने खालका नीति र ऐन अब प्रदेश सरकार आफैले निर्माण गर्ने उहाले जानकारी दिनुभयो । कार्यक्रममा नेपालको यूथ–१६ का अन्तराष्ट्रिय क्रिकेट खेलाडि राजन मगर र रकेट निर्माण गर्ने कलेजका यूवा बैज्ञानीक नितिस सिंह र यूवा अभियानकर्ता अविनाश थापालाई कलेजले सम्मान गरेको छ ।

कार्यक्रममा प्रदेश १ का सभासद केदार कार्की, विराटनगर महानगर पालीकाका मेयर भीम पराजुली,  उद्योग बाणिज्य संघ प्रदे्रश १ का उपाध्यक्ष राजेन्द्र राउत, हिसानका केन्द्रीय उपाध्यक्ष भेषराज पोखरेल, हिसान मोरङका अध्यक्ष बलराम पन्त, पत्रकार महासंघ मोरङ अध्यक्ष बन्धु पोखरेल लगायतले बोल्नुभएको थियो ।