.gif)
बिराटनगर बैशाख ५ गते । रातो तारा डट कम,
नेपाल सरकारले आधारभुत स्वास्थ्य सेवालाई निःशुल्क गर्ने क्रममा आ व २०७२÷०७३ को नीति तथा कार्यक्रममा नवजात शिशुलाई निःशुल्क उपचार गर्ने कार्यक्रम व्यवस्था गरेकोछ ।
नवजात शिशुलाई स्वास्थ्य संस्थामा स्वास्थ्य सल्लाह र उपचारको लागि आउन उत्प्रेरणा गर्ने एंव स्वास्थ्य संस्थामा नवजात शिशुलाई प्रोटोकल अनुसारको निःशुल्क उपचार गराउने यस कार्यक्रमको उदेश्य रहेकोछ ।
यो कार्यक्रम देशका ७५ वटै जिल्लामा लागू हुनेछ ।
यस कार्यक्रम अन्तरगत निम्नानुसारका सेवा सुबिधा प्रधान गरिनेछ ।
स्वास्थ्य चौकी र प्राथमिक स्वास्थ्य केन्द्रमा नवजात शिशु तथा वाल रोगको एकीकृत व्यवस्थापन सेवा निःशुल्क प्रधान गरिनेछ ।
नवजात शिशु सरकारी अस्पतालमा भर्ना भएमा निःशुल्क उपचार हुनेछ ।
नवजात शिशुको जाँच :-
शिशुको जन्म पश्चात निम्नानुसार कम्तिमा पनि ४ पटक नवजात शिशुको जाँच गराउनु पर्दछ ।
पहिलो पटक, प्रसुति भएको २४ घण्टा भित्र
दोस्रो पटक, प्रसुति भएको तेस्रो दिनमा
तेस्रो पटक,प्रसुति भएको सातौंदिनमा
चौथो पटक,उनन्तिसौं दिनमा सम्म निःशुल्क, डाक्टरको सल्लाह अनुसार जाँच गराउने र तोकिएको समयमा खोप लगाउने ।
जिल्ला जनस्वास्थ्य कार्यालय मोरङ
Post a Comment