.gif)
अर्जुन आचार्य-विराटनगर,बैशाख ८ गते । रातो तारा डट कम,
पूर्वी मोरङमा रहेको उर्लाबारीमा अवैध ढंगले खोलाबाट गिट्टी बालुवा अवैध रूपमै उत्खनन् भइरहेको छ भने वन फँडानी पनि तीब्र भइरहेको पाइएको छ ।
प्रमुख जिल्ला अधिकारी रामप्रसाद आचार्यले वातावरणीय परीक्षण नगरेको स्थानबाट सोल्टी खोलामा ठेकेदार कम्पनीले ढुंगा गिट्टी उत्खनन् गरेको र विक्री गरेको पाइएको बताउनु भयो । उहाँका अनुसार खोलामा थुप्रिएको गिट्टी बालुवा साइड गर्न अनुमति दिइएको भएपनि सामाग्री विक्री वितरण गर्न दिइएको थिएन । तर, उक्त ठेकेदार कम्पनीले ढुंगा गिट्टी व्यापक मात्रामा बिक्री गरेको स्थानीय सरकारी प्रतिनिधि र जनप्रतिनिधिले जानकारी दिएको आचार्यले बताउनु भयो ।
विक्री गरेको रसिदको खोजी गरि पाइएको खण्डमा तुरुन्त ठेक्का प्रक्रिया रद्ध गर्न मैले सम्बन्धीत निकायमा आवश्यक निर्देशन दिएको छु,’ आचार्यले भन्नुभयो, ‘च्यानलाइजका नाममा गिट्टी बालुवा बिक्री गरेको पाइएको छ ।’ उक्त ठेकेदार कम्पनीका मालिक इटहरीका व्यवसायी भीम पौडेल हुन् ।
स्रोतका अनुसार सोल्टी खोलामा मापदण्ड विपरीत ३ किलोमिटरसम्म ढुंगा गिट्टी उत्खनन् गरेको र विक्री गरिएको
छ । यस्तै मिक्लु खोलामा पनि ५ सय मिटरसम्म अवैध ढंगले ढुंगा गिट्टी निकालेर विक्री गर्ने गरेको पाइएको छ । यस्तै उर्लाबारी ७ मा ३ विगाहा क्षेत्रफलमा रहेको आमा मिलन केन्द्रको नीजि जंगल फडानीको नाममा सरकारी पर्ती जग्गाका रुख पनि कटान गरेको पाइएको बताइएको छ।
‘नीजि जंगल फडानी गर्न वन कार्यालयको अनुमति पनि लिएको देखिएन,’ स्रोतले भन्यो, ‘सरकारी पर्ती जग्गाका रुख कटान गरेको उजुरी पनि परेको छ ।’ प्रमुख जिल्ला अधिकारी आचार्यका अनुसार नीजि जंगलको नाममा सरकारी जग्गाका रुख काटिएको विषयमा अनुगमन गर्न जिल्ला वन र स्थानीय सरकारी निकायलाई निर्देशन दिइएको छ । त्यस्तो पाइए जो सुकैलाई कारबाहीको दायरामा ल्याइने उहाँले बताउनु भयो ।
फोटो छ । अनुगमन टोली स्थानीय प्रतिनिधिसँग कुरा बुझ्दै ।
Post a Comment