मोटरसाईकल दुर्घटनामा परि घाईते युवकको उपचारको लागि रकम संकलन

(फायल फोटो)

गाईघाट,बैशाख १० गते । रातो तारा डट कम,
उदयपुरको कटारीमा मोटरसाईकल दुर्घटनामा परि घाईते भएका एक युवकको उपचारको लागि आफन्तहरुले नगर क्षेत्रका व्यापारी र सर्ब साधरणबाट सोमबार १ लाख १३ हजार रुपैया संकलन गरेकाछन् ।

मिर्चैयादेखि कटारी आउँदै गर्दा बैशाख ३ गते साँझ तीब्र गतिको कारण अनियन्त्रीत भई दुर्घटना हुदा कटारी नगरपालिका वडा न. ३ का सागर मगर गम्भिर रुपमा घाईते भएका थिए । मगरको विराटनगरस्थीत न्यूरो अस्पतालमा उपचार भैरहेको छ, भने आँखाको उपचार गराउन काठमाडौंको तिलगंगा अस्पताल लाने तयारी भैरहेको छ ।

उनको उपचारमा कुनै समस्या नहोस भनेर बजार क्षेत्रबाट अर्थिक संकलन गरिएको स्थानीय शत्रुधन कार्कीले बताए ।
संकलित रकम घाईतेका हजुर आमा रत्नमाया मगरलाई हस्तान्तरण गरिएको रकम संकलनकर्ता मेघ वहादुर तामाङ्गले बताए ।

मोटरसाइकल दुर्घटनामा उनीसँगै अर्का युवा समिर लामा समेत घाईते भएको प्रहरीले जनाएको छ । श्याम राई-उदयपुर,