विराटनगर महानगरले थाल्यो शैक्षिक गुणस्तर सुधार अभियान - मेयर भन्छन्:अव शिक्षा गुणस्तरिय वनाइन्छ,

बिराटनगर बैशाख २ गते । रातो तारा डट कम,
विराटनगर महानगरपालिकाले सामुायिक विद्यालयको शैक्षिक गुणस्तर सुधार अभियान थाल्ने भएको छ । महानगरका ५५ वटा सामुदायिक र १९ धार्मिक  विद्यालयका प्रधानाध्यापकहरुसँग पटक पटक महानगरमा भएको छलफलमा शैक्षिक सुधार अभियान थाल्ने सम्झौता भएको
हो ।

महानगरका सामुायिक विद्यालयका प्रधानाध्यापकहरुले प्रत्येक हप्ता कम्तिमा दुईवटा कक्षा अवलोकन गरी पृष्ठपोषण गर्नुपर्ने, ५० प्रतिशत बढि सिकाई उपलब्धि भएका विद्यालयले गत बर्ष भन्दा कम्तिमा ३ प्रतिशतले सिकाई उपलब्धि बृद्धि गर्नुपर्ने, शिक्षकलाई आफ्नो घण्टीमा पूर्ण समय कक्षामा रहने ब्यवस्था मिलाउनुपर्ने, विद्यालय सञ्चालनको समय सम्म हुनुपर्ने, विद्यालयको बार्षिक कार्ययोजना बनाइ कार्यान्वयन गर्नुपर्ने  र विद्यालय सुधार रणनीतिक योजना बनाएर कार्यान्वयनमा ल्याउनु पर्ने भद्र सहमति भएको विराटनगर महानगरका मेयर भीम पराजुलीले जानकारी दिनु भयो ।

 उहाँले केही सामुायिक विद्यालयमा अङ्ग्रेजीमा पठन पाठनलाई प्रभावकारीरुपमा अगाडी वढाइने , सुचना र मनोरञ्जन सहित बालवालिकालाई पठन पाठन गर्ने व्यवस्था मिलाउन ,शिक्षालाई गुणस्तरिय र अन्तराष्ट्रिय स्तरको बनाउन आफु लागी परेको वताउनु भयो ।

यस्तै २०७५ बैशाख १ गते देखी १५ गतेसम्म भर्ना अभियान चलाइने भएको छ । यसका लागि शिक्षक ,जनप्रतिनीधि सवै खट्ने छन् ।  विद्यालयका सबै शिक्षक कर्मचारीलाई उनीहरुको क्षमता र रुची अनुसार विद्यालयको विभिन्न कृयाकलापहरुमा सहभागी वनाउन पनि पहल गरिने महानगरका प्रमूख शिक्षा अधिकृत रुद्र दुलालले जानकारी दिनु भयो ।