मार्टिनले गरेको एक मात्र निर्णयक गोलको मद्धतले थ्री स्टार फाईनलमा प्रवेश

श्याम राई-गाईघाट, जेठ २ गते । रातो तारा डट कम,
मार्टिनले गरेको एक मात्र निर्णयक गोलको मद्धतले थ्री स्टार ललितपुर उदयपुरमा जारी पाँचौ रमपम उदयपुर गोल्डकप फुटबल प्रतियोगिताको फाईनलमा प्रवेश गरेको छ ।

बुधबारको खेलमा झापा ११ लाई १–० ले हराउँदै थ्रि स्टार उपाधि नजिक पुगेको हो । यो सिजनमा भएको मोफसलको चार वटा उपाधि जिति सकेको थ्री स्टारले उदयपुर गोल्डकपको दोश्रो र तेश्रो संस्करणको उपाधि उचाली सकेको छ ।

स्थानीय थरुहट रंगशालामा भएको पहिलो सेमिफाईनलमा झापा विरुद्ध थ्रि स्टारले खेलको ६२ औं मिनटमा गोल गरेको थियो । थ्रि स्टारका मार्टिन हेड मार्फत गोल गरे । उनले विपक्षी पोष्ट भित्र पाएको बललाई सुन्दर ढंगले गोलमा परिणत गरेका थिए । थ्रि स्टारको जितमा उनी नायक बने ।

जारी गोल्डकपमा उनले अहिले सम्म सार्वधिक गोल गरिसकेका छन् । उनको व्यक्तिगत स्कोर ३ गोल पुगिसकेको छ । पहिलो हाफ गोल रहित बराबरी भएपछि गोलको लागि थ्रि स्टारले दोश्रो हाफ कुर्नु परेको थियो । दोश्रो हाफमा मार्टिनले गरेको गोल नै निर्णयक बन्यो । थ्रि स्टार विरुद्ध झापा ११ ले पनि धेरै गोलका अवसर गुमाएको थियो ।

प्रतिस्पर्धी खेलमा पोष्ट क्लियर गर्न नसक्दा झापाका कर्ण लिम्बुले गरेको प्रहार गोल किपरले राम्रो बचाव गर्दा झापाको यात्रा सेमिफाईनल मे टुङ्गियो । पहिलो हाफमा थ्रि स्टार विरुद्ध निकै आक्रमक ढंगले खेलेको झापा ११ को फिनिसिङ्ग कमजोर हुदा खेल आफनो पक्षमा पार्न सकेन । झापाले गोल गर्न धेरै अवसर गुमायो ।

खेलको म्यान अफ दि म्याच थ्रि स्टारका पिटर भए । उनले नगद ७ हजार हात पारे । विहीबारको दोश्रो सेमिफाईनल मनाङ्ग मस्याङदी काठमाडौं र सुनसरी ११ विच हुने छ ।