लागू औषध सहित पक्राउ लेखा पालको अबस्था थाहा हुनसकेन

गाईघाट, बैशाख ३० गते । रातो तारा डट कम,
भारतीय प्रहरीले लागू औषध सहित पक्राउ गरेका उदयपुरको लिम्चुङ्गवुङ्ग गाउँपालिकाका लेखापाल दिपेश भण्डारीको अवस्था अझै थाहा हुन सकेको छैन ।

पत्नि सहित उपचारको लागि भारतको सिलगुडीतर्फ भाडाको कारमा जादै गरेका बेला भारतीय प्रहरीले गाडी सहित भण्डारीलाई बैशान १९ गते नियन्त्रणमा लिएको थियो । भारतीय प्रहरीले गाडीमा लुकाएको ब्राउन सुगर भेटेपछि उनलाई नियन्त्रणमा लिएको उनको निकट साथीहरुले बताएकाछन् ।

पक्राउ परेको केही दिनसम्म घटना लुकाईएको भए पनि उनी चढेको कारका धनीले ३ लाख ५० हजार भारु धरौटी राखेर गाडी छुटाएको सार्वजनिक भएपछि भण्डारी पक्राउको पुष्टि भएको थियो । तर उनलाई के कारणबाट भारतीय प्रहरीले पक्राउ गरेको भन्ने बारे केही खुलेको छैन ।

भण्डारीका पिता श्याम भण्डारीले भारतमा छोरा पक्राउ परेको पुष्टि गरेकाछन् । तर के कारणले पक्राउ परे भन्ने बारे केही नखुलेको उनले बताए ।‘ मैले पनि पक्राऊ बारे सुने तर पक्राउको अभियोग बारे केही जानकारी छैन ।’ उनले भने,‘यतिका दिन भैसक्दा समेत छोरा बारे केही जानकारी भएको छैन । आधिकारीक रुपमा भारतबाट समेत कुनै जानकारी आएको छैन ।’ उनले भने । के कारणबाट छोरा पक्राउ पर्यो भन्ने बारे गाउँपालिका र स्थानीय प्रशासनसँग मद्धत मागेको बताए ।

प्रमुख जिल्ला अधिकारी विष्णु कार्कीले भण्डारी सिलगुढीमा पक्राउ परेको जानकारी पाएको तर कारण खुल्न नसकेको बताए ।‘ मैले गृह मंत्रालय मार्फत भारतीय प्रहरीसँग घटना बारे जानकारी लिने प्रयास गरिरहेको छु ।’ उनले भने । एक दुई दिन भित्रै जानकारी आउन सक्छ ।‘

लागू औषध कारोबारमा पक्राउ परेको अपुष्ट समाचार मैले पनि पाएको छु । तर विस्तृत जानकारी आएको छैन ।’ प्रजिअ कार्कीले भने । गाउँपालिकाका कार्यकारी अधिकृत भक्त राईले लेखापाल भण्डारीको खोजी भैरहेको बताए ।‘ प्रहरी, प्रशासन र माथिल्लो निकायसँग समन्वयनगरि खोजी भैरहेको छ ।’
 उनले भने । उनी किन सिलगुढी गए भन्ने बारे केही खुल्न सकेको छैन । तर भारतीय प्रहरी द्धारा पक्राउ गरिएको भने पुष्टि भएको छ ।’ उनले भने । पक्राउको कारण भने खुल्न सकेको छैन ।
जिल्ला प्रहरी कार्यालय उदयपुरका डि.एस.पी. मेघराज अधिकारीले झापा प्रहरीको सहयोगमा भण्डारीको खोजी भैरहेको बताए ।

गाईघाट, २९ बैशाख
प्रहरीले जंगली बदेलको मासु सहित शनीबार विहान दुई जनालाई पक्राउ गरेको छ ।
उदयपुरको बेलका नगरपालिका वडा न. २ बस्ने ३० वर्षिय गणेश राई र ३५ वर्षिया फूलमाया तामाङ्गलाई ३५ केजी बदेलको काचो मासु सहित विहान ९ बजे पक्राउ गरिएको प्रहरी निरीक्षक मान वहादुर श्रेष्ठले बताए ।
भागलपुर नजिकै बदेलको मासु बोकेर आईरहेको बेला उनीहरुलाई प्रहरीले पक्राउ गरेको हो ।
प्रहरीले मासु सहित दुई जनालाई वन कार्यालय उदयपुरमा बुझाएको  छ ।


श्याम राई÷उदयपुर