आमबारीमा काली मन्दिर बन्दै,

रबिन्द्र बराल-वैशाख १८ गते, मंगलबार । रातो ताराा डट कम, माेरङकाे उर्लाबारी नगरपालिका-८ स्थित आम्बारीमा काली मन्दिर निर्माण गरिने भएको छ । उर्लाबारी नगरपालिकाका मेयर खड्ग फागोले मन्दिरको शिल्यान्यास गरेपछि निर्माणको काम तीब्र रुपमा भईरहेको छ ।

मन्दिर निर्माणको लागि आम्बारीमा आयोजित पुराणमा स्थानीय समाजसेवी चौकीलाल धिमालले २ लाख २१ हजार, जगन्नाथ गुरागाई ७५ हजार सहयोग गरेका थिए । सहयोगीदाता धिमाललाई मन्दिर शिल्यान्यासका दिन सम्मान गरिएको थियो ।

धिमालहरु जस्तै मनका धनीहरुबाट पुराणमा ५ लाख १६ हजार सहयोग जुटेको मन्दिर व्यवस्थापन समितिका अध्यक्ष डिल्ली नेपालले जानकारी दिएका छन् । मन्दिरका लागि उर्लाबारी वडा नम्बर ८ बाट ३ लाख रुपैंया विनियोजन भईसकेको छ  भने निर्माणमा १२ लाख खर्च लाग्ने भएको
छ । रकम अभावका विच पनि काम भईरहेको र सहयोगी हात खोजिरहेको मन्दिरका सल्लाहाकार कुरुराज आङबुहाङले बताए । उनका अनुसार आम्बारीमा बर्षेनी दशैंमा भब्य सन्थाल मेला आयोजना हुने गर्छ ।

जसमा अझ रौनकता र पहिचान झल्काउन काली मन्दिर निर्माणको काम भईरहेको हो । उनले उक्त कार्यमा सबैमा सहयोग पुर्याउन अनुरोध गरेका छन् । मन्दिर व्यवस्थापन समितिका सचिव विजय आङबुहाङले असार मसान्तसम्म निर्माण कार्य सक्ने लक्ष्य राखिएको बताएका छन् ।