मोतिगडाबाट १० जना जुहाडे पक्राउ

श्याम राई-गाईघाट, जेष्ठ २३ गते । रातो तारा डट कम,
त्रियुगा नगरपालिका वडा न. ३ मोतिगडाबाट मंगलबार राती १० जना जुहाडे पक्राउ परेकाछन् ।

स्थानीय अमृत खत्रीको घरमा जुवा खेलिरहेको बेला उनीहरुलाई प्रहरीले पक्राउ गरेको हो । पक्राउ पर्नेमा चुडामणी चौधरी, पुण्य प्रसाद भट्टराई, संजय हमाल, राम वहादुर राउत, गंगा तामाङ्ग र विर वहादुर खत्री रहेको प्रहरीले जनाएको छ ।
प्रहरीले जुवाको खालबाट ३० हजार ९ सय रुपैया समेत बरामद गरेको छ ।

त्यसैगरि मोतिगडामा स्थानीय युवा ओनियन ठकुरीले संचालन गरेको पुल हाउसमा लागू औषध सेवनगरि होहल्ला गर्ने दुई युवालाई समेत प्रहरीले पक्राउ गरेका छ ।

मंगलबार राती नै होहल्लागरि गाउलेलाई आतंकित पारेको उजुरीको आरोपमा युक्सन ठकुरी र अनिल ठकुरीलाई पक्राउगरि हिरासतमा राखेको जिल्ला प्रहरी कार्यालय उदयपुरका असई रमेश पोखरेलले बताए ।