सुनसरीको तीन स्थानमा दुर्घटना, आठ घाइते

सुनसरी, असार ५ गते । रातो तारा डट कम,सुनसरीको तीन स्थानमा सोमबार राती भएको छुट्टाछुट्टै सवारी दुर्घटनाबाट आठ जना घाइते भएका छन।

सुनसरी भोक्राहा गाउँपालिका  ४ मा राती ९ बजे दुई मोटरसाइकल ठोक्किंदा चार जना घाइते भएका छन।

घाइतेहरुमा ज १ प ९११५ नम्बरका चालक ईनरुवा नगरपालिका ५ का नारायण मेहेता, पछाडी सवार पंकज मेहेता र  को ३२ प ८२८ नम्बरका चालक ईनरुवा नगरपालिका २ का मनोज मेहेता घाइते भएका छन।

सोही  मोटरसाइकलले ठक्कर दिंदा भोक्राहा गाउँपालिका ४ की तुफेल अन्सारी (पैदलयात्री) समेत सामान्य घाईते भएकी छन। घाइते चारै जनाको ईनरुवा अस्पतालमा उपचार भईरहेकोछ।

यसैगरी ईनरुवा नगरपालिका ९ ईनरुवा-हरिनगरा सडकमा पनि राती ९ बजे दुई मोटरसाइकल ठोक्किंदा तीन जना घाइते भएका छन।

घाइतेहरुमा को २० प ३५७९ नम्बरका चालक देवानगञ्ज गाउँपालिका ६ का मजरुन अन्सारी, देवानगञ्ज ५ का हरुण अन्सारी र को २ प ९२१६ नम्बरका चालक भोक्राहा गाउँपालिका ५ बस्ने ईश्राईल मन्सुरी रहेका छन।

घाइते तीनै जनाको नोबेल अस्पताल विराटनगरमा उपचार भईरहेकोछ।

यता ईनरुवा-हरिनगरा सडक कै हरिनगरा १ मा राती १० बजे को ११ प ८५३२ नम्बरको मोटरसाइकलले ठक्कर दिएर हरिनगरा-१ बस्ने साहबुदिन मन्सुरी (पैदलयात्री)घाइते भएका छन।

घाइतेको न्यूरो अस्पताल बिराटनगरमा उपचार भईरहेको छ।