कांग्रेसले थाल्यो महानगरमा संगठन सुदृढीकरण अभियान

विराटनगर, जेष्ठ २६ गते । रातो तारा डट कम,नेपाली कांग्रेस महानगर समिति विराटनगरले संगठन सुदृढीकरण अभियानका लागि नगरका विभिन्न स्थानमा अन्तक्र्रिया थालेको छ । हप्ताको दुइदिन शुक्रवार र शनिवार केही घण्टा वडास्तरमा जनताका गुनासा सुनिने छ ।

विराटनगर महानगरका मेयर भीम पराजुली नेपाली कांग्रेस नगरका सभापति हुन् । कार्यव्यस्तताका कारण कार्यवाहक सभापतिकारुपमा  अरुण न्यौपानेलाई जिम्मा लगाएका छन् । आफु जुन जग र पृष्ठभूमिवाट आएको त्यसलाई पनि समय दिने र वडास्तरका जनताको गुनासो सुन्ने अभिप्रायका कारण संगठन सुदृढीकरण अभियान थाल्न नगरका पदाधीकारीहरुलाइ आग्रह गरेको पराजुलीले जानकारी दिनु भयो ।

संगठन सुदृढीकरणसँगै महानगरको विकासमा कांग्रेसको भूमिकाका विषयमा टोलटोलमा पुगेर अन्तक्रिया थालिएको कार्यवाहक अध्यक्ष अरुण न्यौपानेले जानकारी दिनु भयो । विराटनगर–१७ को लाइन क्वाटरबाट शुरु भएको अभियानले विराटनगरका ४ स्थानमा कार्यक्रम गरिसकेको जानकारी दिनु भयो । यसै वीच शुक्रबार विराटनगर १४ स्थित नयाँटोल कटुपा र शनिवार १६ नं वार्ड रानी युवाक्लवमा संगठन सुदृढीकरण कार्यक्रम गरिएको छ । कार्यक्रममा  काग्रेस जिल्ला सचिव नागेश कोइराला, कांग्रेस नगर सभापति एवं महानगरपालिकाका मेयर भीम पराजुली, उपमेयर इन्दिरा कार्की,कार्यवाहक सभापति अरुण न्यौपाने, नगर सचिवद्धव नीरज कोइराला,प्रकाश दाहाल,काग्रेसका युवा नेता  राजेश गुप्तालगायतले आ आफ्ना धारणा राखेका थिए ।