ग्यास लिक हुँदा आगलागी

(फाएल फोटो)

मोहन कुमार राई- काठमाडौ, जेठ १९ गते । रातो तारा डट कम,संखुवासभा,खाँदवारी नगरपालिका वडा नं ८ स्थित विदाई चौतारामा लोकमान श्रेष्ठको घरमा ग्यास जोड्ने क्रममा अचानक ग्यास लिक हुँदा घरमा आगलागी भएको छ ।

ढुंगा, माटोको गारो, टिनको छानो भएको सो दुई तले घरको माथिल्लो तलामा शुक्रबार ग्यासको सिलिण्डर जोड्ने क्रममा अचनाक ग्यास लिक भए ।

पछि कोठामा रहेको लत्ताकपडा, टेवल, टिभि, राइस कुकर समेत जलेर नष्ट हुँदा अन्दाजी ५० हजार मुल्य बराबरको क्षति भएको र सो घरमा रहेको मानिसहरू समेत घाइते भएको थियो ।

घाइते हुनेहरूमा श्रेष्ठकी श्रीमती वर्ष २३ को चन्द्रकला श्रेष्ठको केश जलेको, ४ वर्षको छोरी शुशिला श्रेष्ठ खुट्टा

र बाया हात जलेको, सो घरमा डेरा गरी बस्ने लक्ष्मी लिम्बुकी ३ वर्षे छोरी मञ्जीलाको दुवै हात खुट्टा सामान्य जलेको, डेरागरी बस्ने तिर्थराज बस्नेतको दुबैहात खुट्टा र अनुहार जलेको थियो ।

उक्त आगलागी स्थानीयबासी र प्रहरीको सहयोगमा पूर्ण रूपमा नियन्त्रणमा लिएको जिल्ला प्रहरी

कार्यालय संखुवासभाले जनाएको छ ।