विराटनगरको विकास अव ड्रोन क्यामेरामा कैद गरिने

विराटनगर, जेठ २४ गगते। रातो तारा डट कम
विराटनगरमा भइरहेका विकास निर्माणका कार्यहरुको भिडियो ड्रोन क्यामेरामा कैद गरिने भएको छ ।

विकास हुनुभन्दा अगाडी,शुरु भए पछि र सम्पन्न हुदासम्मको भिडियो कैद गरिने छ । यसको सुभारम्भ विराटनगर महानगरपालिकाका मेयर भीम पराजुलीले विहिवार जतुवा स्थित ट्रिटमेन्ट प्लान्टवाट शुभारम्भ गर्नु भएको छ । उहाँले विराटनगरको हिजो र भोलीको स्थिती बुझ्न भावि पुस्तालाई सहयोग पुगोस भनेर भिडियो कैद गर्न लागिएको जानकारी दिनु भयो ।

एस .टि. आइ. यु. आइ .पी प्रोजेक्ट अन्तरगत सिटिसी कालीका कन्ट्रक्सन प्रालिको सहकार्यमा नगरको छायाकंन र नक्साकंन गरिन लागेको हो । यस प्रविधिवाट विराटनगरको पहिलाको अवस्था र विकास भइसकेपछिको अबस्थावारे वुझ्न सजिलो हुने छ ।

कार्यक्रममा क्षेत्रीय शहरी विकास परियोजना प्रमूख इं भरत न्यौपाने, कालीका कन्ट्रक्सन प्रालिका प्रोजेक्ट म्यानेजर उज्जल प्रसाई लगायतको सहभागिता रहेको थियो ।