पथरीमा राष्ट्रिय बुद्धिचाल प्रतियोगिताको तयारी

अर्जुन जम्नेली राई,मोरङ, असार १८ गते । रातो तारा डट कम,मोरङको पथरीशनिश्चरे नगरपालिकामा राष्ट्रव्यापी बुद्धिचाल प्रतियोगिता हुने भएकोछ । फ्रेण्डसिप चेस क्लवको आयोजनामा मोरङमा उक्त प्रतियोगिता हुन लागेको हो । प्रतियोगिताको तयारी स्वरूप आज(सोमाबार) क्लवको कार्यालय उद्घाटन भएको हो । क्लवका अध्यक्ष धनराज राईले प्रतियोगिता बारे जानकारी दिएका हुन् ।

यस अघि असारमा प्रतियोगिता गर्ने घोषणा भएको थियो । विश्वकप फुटबल प्रतियोगिताको कारण ध्यान तानिएले बुद्धिचाल प्रतियोगिता आगामी असोज दोस्रो साता सारिएको अध्यक्ष राईले जानकारी दिए । कार्यक्रमको प्रमुख अतिथि पथरीशनिश्चरे १ नम्बर वडा अध्यक्ष बाबुराम एङ्देनले आफ्नो कार्याकालभरी भाडा आधा बेहोर्ने घोषणा गरेका गर्नुभयो ।

वडा अध्यक्ष एङ्देन र क्लवका अध्यक्ष राईले चेसको गोटी चालेर कार्यालय उद्घाटन गरेका थिए । कार्यक्रममा पथरीशनिश्चरे र उर्लाबारी नगरका बुद्धिचाल खेलाडिहरू सहभागी रहेका थिए । २०५९ सालमा स्थापित भएको क्लवले बुद्धिचाल प्रतियोगिता गराउदै आएको क्लवका सचिव लोकसागर साम्बाले बताए ।