गंगा गौतम आचार्यको तिज गीत 'बरिलैको सूटिंग धमाधम हुदै

शिव भट्टराई - सुनसरी साउन १२ गते । रातो तारा डट कम,
नेपाली नारीहरुको महान चाड हरितालिका तीज २०७५ नजिक आइरहँदा तीज बिशेष गीतहरु धेरै मात्रामा बजारमा आइरहेका छन् । तर बजारमा आएका धेरै गीतहरु मात्र आफ्नो ब्यावसाहिकतालाई माथि उठाउनका लागि सार्बजनिक भैरहेका छन् ।

चर्चित लोकदोहोरी गायिका गंगा गौतम आचार्यको सुमधुर स्वर रहेको यस गीतमा राज कुमार बगरको शब्द संगीत रहेको छ। निकै रोमान्चक ढंगबाट तयार पारिएको यस गीतको म्युजिक भिडियोमा स्थानीय कलाकारहरुको अभिनय देख्न सकिन्छ ।

यस गीतको म्युजिक भिडियोलाई निर्देशन तुलसी घिमिरेले गरेका हुन् भने छायांकन प्रकाश सुब्बाले गरेका छन् । यस भिडियोलाई गंगा गौतम आचार्यले आफ्नो लगानीमा तयार पारेकी हुन्।

यस 'बरी लै' गितको सूटिंग ईटहरीको मनकामना मन्दिर, साथै चिन्तन चौतारी लगायत बिभिन्न चर्चित ठाउँमा भइरहेको छ।यस तीज गीतले तीजको भारी बोकेको र  नारी भएर भोग्नु पर्ने पीडा र नारीका बेदना प्रस्ट्याउन खोजेको छ। यो गीत नारिहरुका लागि निकै संदेशमुलक रहेको कुरा रातो तारा डट कम, अनलाइनलाई लोकदोहोरी गायिका गंगा गौतम आचार्य बताएकी  छिन्।