आगलागीबाट घर जलेर नष्ट

पाँचथर, भाद्र ८ गते । रातो तारा डट कम,पाँचथर जिल्लाको याङवरक गाउँपालिका ४ मा बिहिबार आगलागीबाट १ घर जलेको छ । याङवरक गाउँपालिका ४ बस्ने तईन्द्र कटुवालको घरमा दिउँसो १२ बजे गाई वस्तुलाई खोले पकाउने क्रममा अचानक आगलागी भएको हो ।

आगलागीबाट कटुवालको ढुङा, माटो, फुसले बनेको ३ तले घर, घरभित्र राखिएको लत्ताकपडा, भाँडावर्तन, खाद्यान्न तथा १ थान नोकिया मोवाईल फोन जलेर नष्ट हुँदा अन्दाजी ७ लाख ५० हजार बराबरको क्षति भएको छ । आगलागी प्रहरी चौकी नागीथर्पुबाट खटि गएको प्रहरी टोली र स्थानीयवासीको सहयोगमा दिउँसो १ बजे नियन्त्रण गरिएको छ ।