सुनसरीमा बेग्लाबेग्लै सवारी दुर्घटनामा दुई जना घाइते

(फायलफोटो)

सुनसरी, साउन १७ गते । रातो तारा डट कम,सुनसरी जिल्लाको २ बेग्लाबेग्लै स्थानमा बिहिबार भएको सवारी दुर्घटनामा २ जना व्यक्ति घाइते भएका छन। सुनसरीको ईटहरी उपमहानगरपालिका १७ स्थित पकली चौकमा बिहिवार बिहान ०८,३० बजे सुनसरी रामधुनी ६ बस्ने वर्ष ३६ को ललन झा ले चलाएको को ७ प ७४१८ नम्बरको मोटरसाइकलले ठक्कर दिएर साइकल चालक सोही ठाउँ बस्ने ३५ वर्षकी मन्जु चौधरी घाइते भएकी छन। घाइते चौधरीको टाउकोमा गम्भीर चोट लागेको हुँदा उपचारार्थ न्युरो अस्पताल विराटनगर ल्याइएको छ। ठक्कर दिने मोटरसाइकल सहित चालक इलाका प्रहरी कार्यालय पकलीको नियन्त्रणमा छन ।

यसैगरी ईटहरी उपमहानगरपालिका १० ट्रान्सपोर्ट लाईन स्थित कोशी राजमार्गमा बिहिबार दिउँसो १ बजे बसले मोटरसाइकलाई ठक्कर दिंदा १ जना घाइते भएकाछन । विराटनगरबाट ईटहरीतर्फ जादै गरेको लु १ ख ६४१० नमम्बरको बसको ठक्करबाट स ८ प ६९५३ नम्बरको मोटरसाइकलका चालक सुनसरी धरान उपमहानगरपालिका १७ बस्ने बर्ष २२ को सुदिप राई घाइते भएका हुन। घाइते राईको नोबेल अस्पताल विराटनगरमा उपचार भई रहेको छ भने बस तथा चालक इलाक प्रहरी कार्यालय पकलीको नियन्त्रणमा छन ।