झापामा बस र ट्रक ठोक्किदा २८ जना घाइते

झापा, भाद्र ९ गते । रातो तारा डट कम
झापा जिल्लाको कन्काई नगरपालिका-४ कोटीहोम स्थित पूर्व-पश्चिम राजमार्गमा भाद्र ८ गते शुक्रबार अपरान्ह ४ बजे बस र ट्रक ठोक्किदा २८ जना घाइते भएका छन् ।

पूर्वबाट पश्चिमतर्फ जाँदै गरेको को १ ख ६८१२ नम्बरको बस र विपरित दिशाबाट आउँदै गरेको को  १ ख १८८३ नम्बरको ट्रक एक आपसमा ठोक्किदा बसमा सवार २८ यात्रु घाइते भएका छन । घाइतेहरुमा  १ बालिका, ११ महिला तथा १६ जना पुरुष रहेका छन् ।

घाइतेहरुलाई विएण्डसि अस्पताल तथा विर्ता सिटी अस्पताल विर्तामोड पुर्‍याई उपचार गराईएको छ । बस तथा ट्रक चालकलाई ईलाका प्रहरी कार्यालय सुरुङाले नियन्त्रणमा लिएको छ ।