मोरङमा बेग्लाबेग्लै दुर्घटनाबाट तीन जना घाइते

(फायलफोटो)

मोरङ, साउन १६ गते। रातो तारा डट कम
मोरङमा मंगलबार भएको बेग्लाबेग्लै सवारी दुर्घटनामा तीन जना व्यक्ति घाइते भएका छन। बिराटनगर महानगरपालिका ४ स्थित कोशी राजमार्गमा को १ ब १७२५ नम्बरको मोटरसाइकल सडक डिभाइडरमा ठोक्किंदा मोटरसाइकलका चालक मोरङ विराटनगर-३ बस्ने प्रदेश नम्बर १ का आन्तरिक मामिला तथा कानून मन्त्रालका खरिदार दिनेश भट्टराई घाइते भएका छन।

घाइतेको नोबेल अस्पताल विराटनगरमा उपचार भईरहेको छ भने मोटरसाइकल प्रहरी चौकी बरगाछीमा राखिएको छ।
यसैगरी पथरी-शनिश्चरे नगरपालिका १ बुद्धचोक स्थित भित्री सडक खण्डमा मे ५ प ९३८१ नम्बरको मोटरसाइकलले ठक्कर दिएर साइकलयात्री सोही ठाउँ बस्ने २३ वर्षीय हरि पौडेल घाइते भएका छन। घाइते पौडेलको पथरी अस्पतालमा उपचार भईरहेको छ। 

यसैगरी बेलबारी नगरपालिका १० लक्ष्मीमार्गमा बिआर-०९-यु-७६६ नम्बरको मोटरसाइकलले ठक्कर दिएर सोही ठाउँ बस्ने पैदल यात्री वर्ष १६ की निशा ठटाल घाइते भएकी छन। घाइतेलाई नोबेल अस्पताल विराटनगर ल्याइएको छ।

दुर्घटनामा मोटरसाइकल चालक भारत मधुवनी बस्ने २१ वर्षका वसिम मोहमद इलाका प्रहरी कार्यालय बेलबारीको नियन्त्रणमा रहेका छन।