अवैध सुर्ती बरामद

झापा, भाद्र ११ गते । रातो तारा डट कम,झापा जिल्लाको गौरादह नगरपालिका-७ स्थित ग्वालडुब्बाबाट आईतबार अवैध सुर्ती बरामद गरिएको छ ।

अस्थायी प्रहरी चौकी जुरोपानी, झापाबाट खटिएको टोलीले आईतबार दिउँसो १२:३० बजे को २ प ७४६६ नं. को मोसामा लोड गरी भारतबाट भन्सार छलेर ल्याउँदै गरेको १ बोरा सुर्ती बरामद गरिएको हो ।

सुर्ती सहित प्रहरीले जिल्ला झापा गौरिगञ्ज गाउँपालिका-२ कोरोबारी बस्ने वर्ष १५ को मुना राजवंशीलाई समेत नियन्त्रणमा लिएको छ । बरामद सुर्ती, मोटरसाइकल र राजवंशीलाई अनुसन्धानका लागि ईलाका प्रहरी कार्यालय गौरीगञ्जमा राखिएको छ ।