अवैध चौपाया र सुर्ती बरामद

मोरङ, भाद्र १३ गते । रातो तारा डट कम मोरङ जिल्लाको धनपालथान गाउँपालिका-२ स्थित गोसाँई पोखरीबाट प्रहरीले बुधबार अवैधचौपाया र सुर्ती बरामद गरेको छ ।

प्रहरी चौकी अमाहीवरियातीबाट खटिएको गस्ती टोलीले बुधबार बिहान ७ बजे धनपालथान गाउँपालिका-२ स्थित गोसाई पोखरीबाट अवैध रुपमा भारततर्फ निकासी हुँदै गरेको ६ वटा गाई र १ वटा गोरु (जम्मा ७ वटा चौपाया) तथा भारतबाट भन्सार छलेर नेपालतर्फ ल्याउँदै गरेको ३
बोरा (१५० किलो) सुर्ती बरामद गरिएको हो ।

प्रहरीले सुर्तीसहित ३ वटा साईकल समेत
नियन्त्रणमा लिएको छ । गस्तीमा रहेका प्रहरीलाई देख्नासाथ तस्करहरु चौपाया र सुर्तीको बोरा
छाडेर भागेका थिए । बरामद सामान ईलाका प्रहरी कार्यालय रंगेलीमा ल्याई राखिएको छ ।