अवैध काठ बरामद

ईलाम, साउन २६ गते । रातो तारा डट कम,ईलाम जिल्लाको रोङ गाउँपालिका-१ बरफल्याङ स्थित सामुदायिक वनबाट प्रहरीले साउन २५ गते दिउँसो सखुवाको काठ सहित रुख काट्ने औजार नियन्त्रणमा लिएको छ ।

रोङ गाउँपालिका-१ बरफल्याङ स्थित सामुदायिक वनबाट बिना अनुमनि रुख काट्ने काम हुँदैछ भन्ने विशेष सुचनाका आधारमा अस्थायी प्रहरी बिट बरफल्याङबाट खटिएको टोलीले सो वनबाट ४ थान सखुवाको टुना (मुढा), तथा रुख काट्ने आरा-१ थान, आरामा लाग्ने ब्लेड-१ थान र खुकुरी-१ थान बरामद गरेको हो ।

रुख काट्ने समुह प्रहरीलाई देख्नासाथ फरार भएकाले प्रहरीबाट खोजतलाश भईरहेको छ ।