ट्याक्टर र बस ठोक्किदा २ जना घाइते

संखुवासभा, साउन २६ गते । रातो तारा डट कम
संखुवासभा जिल्लाको चैनपुर नगरपालिका(९ स्थित बेलडाँडामा साउन २५ गते दिउँसो ३ बजे बस र ट्याक्टर  ठोक्किदा २ जना घाइते भएका छन ।

काठमाण्डौबाट खाँदबारीतर्फ आउदै गरेको ना ७ ख १३४५ नम्बरको बस र विपरित दिशाबाट आउँदै गरेको को २ त ३९६२ नम्बरको बालुवा बोकेको ट्याक्टर एक आपसमा ठोक्किदा बसमा सवार भोजपुर जिल्ला अरुण गाउँपालिका ५ स्थित आरुखर्क बस्ने वर्ष २९ को राज कुमार रम्तेल र ट्याक्टरमा सवार संखुवासभा मादी नगरपालिका ६ बस्ने वर्ष २९ को चन्द्र राई घाइते भएका छन् ।

दुबै घाइतेको चैनपुर अस्पतालमा उपचार गराईएको छ भने बस तथा ट्याक्टरका चालक जिल्ला प्रहरी कार्यालय संखुवासभाको नियन्त्रणमा रहेका छन् ।