राहदानी विधेयक सर्वसम्मतिल पारित

काठमाडौँ,असोज १० गते । रातो तारा डट कम, प्रतिनिधिसभाको हिजोको बैठकले ‘राहदानी विधेयक २०७५’ लाई सर्वसम्मतिले पारित गरेकोछ । परराष्ट्रमन्त्री प्रदीपकुमार ज्ञवालीका तर्फबाट गृहमन्त्री रामबहादुर थापाले सो विधेयकलाई पारित गरियोस् भनी सदनसमक्ष प्रस्तुत गर्नुभएको थियो ।

यसअघि बैठकले ‘अन्तराष्ट्रिय सम्बन्ध समितिको प्रतिवेदन सहितको राहदानी विधेयक २०७५’ माथि छलफल गरियोस् भन्ने प्रस्तावलाई सर्वसम्मतिले स्वीकृत गरेको थियो ।
सो छलफलमाथि सांसद प्रेम सुवालले कूटनीतिक राहदानीको व्यवस्था विधेयकमा स्पष्टरुपमा नआएको बताउनुभयो । विधेयकको छलफलमा सांसद देवप्रसाद गुरुङ र पवित्रा निरौला खरेलले भाग लिनुभयो ।

गृहमन्त्री थापाले राहदानी विधेयकलाई संशोधन गर्न बनेको विधेयकमा अन्तर्रा्ष्ट्रिय सम्बन्ध समितिमा लामो छलफल भएको जानकारी दिनुभयो । हालसम्म ५६ लाख राहदानी जारी भएको जानकारी दिँदै मन्त्री थापाले राहदानीलाई समयसापेक्ष परिवर्तन गर्न नयाँ विधेयक आएको हो भन्नुभयो ।