छिमेकीको कुटपिटबाट मृत्यु

मोरङ, भाद्र १७ गते । रातो तारा डट कम
मोरङ जिल्लाको जहदा गाउँपालिका-५ मा भाद्र १४ गते बुधबार छिमेकी विच कुटपिट हुँदा गम्भीर घाइते भएका १ जनाको उपचारको क्रममा मृत्यु भएको छ ।

मृत्यु हुनेमा जिल्ला मोरङ जहदा गाउँपालिका-५ बस्ने अन्दाजी वर्ष ५६ को चन्द्र प्रसाद मण्डल रहेका छन् । भाद्र १४ गते बुधबार बेलुकी ७ बजे छिमेकी वर्ष ५४ को सहदेव मण्डलसंग विवाद हुँदा चन्द्र प्रसाद गम्भीर घाइते भएका
थिए ।

गम्भीर घाइते भएका चन्द्र प्रसादको उपचारका क्रममा शनिबार बिहान ०६:३० बजे कोशी अंचल अस्पताल विराटनगरमा मृत्यु भएको जिल्ला प्रहरी कार्यालय मोरङले जनाएको छ ।

कुटपिटमा संलग्न व्यक्तिलाई अनुसन्धानका लागि जिल्ला प्रहरी कार्यालय मोरङले नियन्त्रणमा लिएको छ ।