टिपरको ठक्करबाट बालकको मृत्यु

उदयपुर, असोज ४ गते । रातो तसरा डट कम,
उदयपुरको त्रियुगा नगरपालिका-७ मा वुधबार टिपरको ठक्करबाट १ बालकको मृत्यु भ एको छ ।  अपरान्ह पौने  ५ बजे मुर्कुचीबाट चुहाडे तर्फ जाँदै गरेको ना. १ क ७९०७ नम्बरको टिपरले सोही स्थान वस्ने मीन बहादुर कार्कीको छोरा वर्ष १२ को रोशन कार्कीलाई ठक्कर दिएको थियो ।

ठक्करबाट गम्भिर घाईते बालकलाई उपचारको लागि स्थानीय मेडिकल मुर्कुची लगिएकोमा थप उपचारको लागि विराटनगर ल्याउँदै गर्दा राती ९ बजे बाटोमा नै मृत्यु भएको जिल्ला प्रहरी कार्यालय उदयपुरले जनाएको छ ।

ठक्कर दिने टिपर र चालक सल्यान रिम गाउँपालिका-३ घर भई हाल त्रियुगा नगरपालिका-७ मा डेरा गरी बस्ने बर्ष ३१ को करेन्द्र साहु बस्नेतलाई प्रहरीको नियन्त्रणमा राखिएको छ ।