प्रहरीले अवैध सामान बरामद गर्यो

इलाम, भाद्र २१ गते । रातो तारा डट कम
ईलाम जिल्लाको सुर्योदय नगरपालिका २ स्थित कामीधाराबाट भाद्र १९ गते मंगलबार राती ८ बजे ३५ हजार रुपैया बराबरको अवैध सामान बरामद गरिएको छ ।

ईलाका प्रहरी कार्यालय पशुपतिनगरबाट खटिएको गस्ती टोलीले मंगबार राती ८ बजे भारतबाट लुकाई छिपाई ल्याई बेवारिसे अवस्थामा छाडेको डसनाको कपडा २३८ मिटर, प्याकिङ गर्ने प्लाष्टिक ५५  किलो तथा विभिन्न खालका ३०० पिस औषधीहरु बरामद गरेको हो ।

बरामद सामानहरु बुधबार कारवाहीका लागि भन्सार कार्यालयमा बुझाईने ईलाका प्रहरी कार्यालय पशुपतिनगरले जनाएको छ ।