चोरी आरोपमा १ जना पक्राउ

ईलाम, भाद्र २० गते । रातो तारा डट कम,ईलाम नगरपालिका १ नेपालटार स्थित आइएमी पसल र ब्यूटी पार्लटरबाट नगद ३ लाख २० हजार चोरी गरेको आरोपमा प्रहरीले १ जनालाई बुधबार पक्राउ गरेको छ ।

ईलाम नगरपालिका १ नेपालटार बस्ने नैन सिंह कटुवालको घरमा रहेको स्थानीय सुरेन्द्र राईको आइएमी पसलबाट ३ लाख तथा निशा कार्कीको ब्यूटी पार्टरबाट २० हजार रुपैया चोरी गरेको आरोपमा काठमाण्डौ जिल्ला घर भई ईलाम नगरपालिका १ मा डेरा गरी बस्ने अन्दाजी वर्ष २६ को श्याम थापा मगरलाई प्रहरीले पक्राउ गरेको हो ।

राई र कार्कीको पसलभित्र राखिएको नगद भाद्र १९ गते मंगलबार राती चोरी भएको थियो । घटनाको जानकारी पाउनासाथ ईलाका प्रहरी कार्यालय मंगलबारे र प्रहरी चौकी रक्सेबाट प्रहरी टोली खटिगई घटना सम्बन्धमा प्रारम्भिक अनुसन्धान गर्दा चोरीमा थापाको संलग्नता देखिएपछि उनलाई पक्राउ गरी अनुसन्धान शुरु गरिएको ईलाका प्रहरी कार्यालय मंगलबारेले जनाएको छ ।