गछिया जेसिजले आफ्नो जेसिज सप्ताह २०१८ सम्पन्न गर्यो

शिव भट्टराई  सुनसरी असोज ६ गते । रातो  तारा डट कम,
सुन्दरहरैचा , मोरङको सुन्दरहरैचा नगरपालिकामा रहेको गछिया जेसिज ले आफ्नो जेसिज सप्ताह २०१८ सम्पन्न गरेको छ । भादौ २७ गते तीज विशेष कार्यक्रम गरी उद्घाटन गरिएको जेसिज सप्ताह असोज ६ गते ट्राफिक सचेतना कार्यक्रम गरी समापन गरिएको छ ।

प्रदेश न १ का प्रहरी निरिक्षक अभिचन्द्र रिजालको प्रमुख आतिथ्यतामा सम्पन्न भएको कार्यक्रममा गछिया जेसिजका अध्यक्ष नेत्र प्रसाद दुलालको रहेको थियो ।

कार्यक्रममा गछिया जेसिजका पुर्व अध्यक्ष लक्ष्मी न्यौपाने , इनरुवा जेसिजका अध्यक्ष कुन्दन मेहता , गछिया प्रहरी चौकी सहायक निरिक्षक षढानन्द कुमार यादव , इटहरी लेडिज जेसिजका अध्यक्ष मिनु न्यौपानेले स्वागत मन्तव्य दिनु भएको थियो ।

कार्यक्रम सञ्चालक गछिया जेसिजका महासचिव प्रदिप विष्टले गर्नुभएको थियो भने धुर्व निरौलाले कार्यक्रम माथि प्रकाश पार्नु भएको थियो ।

गछिया जेसिजले गछिया चौकमा जेब्रा क्रस निर्माण गरी आफ्नो जेसिज सप्ताह समापन गरेको थियो ।

कार्यक्रममा बोल्दै प्रमुख अतिथी प्रदेश न १ का प्रहरी निरिक्षक अभिचन्द्र रिजालले नेपाल सग जलमार्ग नभएको र् हावाईमार्ग मा सर्वसाधारण सबैको पहुच नभएको हुँदा सडकमार्ग मात्र प्रमुख रुपमा प्रयोग हुँदै आएको छ । सवारी साधनहरुको बृदि सगै सडक विस्तार नहुँदा दिन प्रतिदिन सवारी दुर्घटना बृदि भई ठुलो धन जनको क्षती हुने गरेको भन्दै यसमा सबै सरोकारवालाहरुको ध्यान जानु आवश्यक रहेको बताउनु भएको थियो ।

कार्यक्रममा बोल्दै गछिया जेसिजका अध्यक्ष दुलालले समाज बिकासमा युवा नेतृत्व निर्माण गरी सामाजिक कार्यमा जेसिज सधैं लागि पर्ने बताउनु भएको थियो ।

कार्यक्रममा प्रमुख अतिथि साथै अतिथिहरुलाई मायाको चिनो प्रदान गरिएको थियो।