केराबारी वडा नं.२ले वार्षिक समीक्षा तथा सार्वजनिक सुनुवाइ गर्‍यो

युवराज ठकुरी-सिंहदेवी,मोरङ असोज ९ गते ।
रातो तारा डट कम,केराबारी गाउँपालिका वडा नं.२ले वार्षिक समीक्षा तथा सार्वजनिक सुनुवाइ कार्यक्रम सम्पन्न गरेको छ।
आर्थिक वर्ष २०७४/०७५ भित्र संचालन गरेका विकास निर्माणका योजनाको समीक्षा तथा उपभोक्ताहरु माझ सार्वजनिक सुनुवाइ कार्यक्रम गरिएको वडाध्यक्ष प्रेमबहादुर लिम्बूले बताए।
             
वडा सचिव रत्नबहादुर बुढाथोकीको संचालन र वडाध्यक्ष प्रेमबहादुर लिम्बूको सभापतित्वमा कार्यक्रम सप्पन्न भएको कार्यक्रममा नेकपाका प्रतिनिधि खडगबहादुर ठकुरी ,नेपाली काङ्ग्रेसका प्रतिनिधि लक्ष्मीमैयाँ शाही ,डगलसिंह राई,विद्यालयका प्रतिनिधि छविरमण पौडेल ,मातृभुमी टि स्टेटका नारायणप्रसाद राई अतिथिका रुपमा रहेका थिए।
           
वडाका ६०जनाको उपस्थितिमा भएको कार्यक्रममा २८जनाले जिज्ञासा,गुनासो र राय सल्लाह सुझाव राखेका थिए।
भौगोलिक विकटताका कारण थोर योजना सम्पन्न गर्न पनि धेरै पटक गाउँपालिका धाउनु पर्दा उपभोक्ता समितिले सास्ती खेप्नुपरेको जेफाले होम स्टेका अध्यक्ष युभराज खड्काले बताए ।
 
प्रत्येक विकास निर्माणको योजना गर्दा अनुमान समिति निर्माण गरि सक्रियता पुर्वक अनुगमन कार्य गर्नुपर्ने स्थानीय डम्बर लावतीले बताए।
         
पहिलो पटक नयाँ संरचना अनुसार काम गर्नुपरेकाले सोचेजस्तो गर्न नसकिएको र अबका दिनहरुमा सबैको सल्लाह सुझाव लिएर अघि बढ्ने वडाध्यक्ष प्रेमबहादुर लिम्बूले बताए।