योग प्रशिक्षण कार्यक्रमको उद्घाटन

(फायल फोटो)
मोहन कुमार राई-असोज १० गते ।
रातो तारा डट कम,संखुवासभा,स्वास्थ्य मानिस स्वास्थ्य रहन योग गर्न  आवश्यक ठान्दै चैनपुर नगरपालिका आयुर्वेद स्वास्थ्य शाखाको आयोजनामा चैनपुरको टुडीखेलमा योग शिविरको उद्घाटन भएको छ ।

विहान ८ बजेबाट शुरु भएको सो शिविर कार्यक्रमका चैनपुर नगरपालिकाका मेयर एवं कार्यक्रमका प्रमुख अतिथि एवं भरतकुमार खत्रीबाट पानसमा दिप प्रज्वलन गरेर उद्घाटन गर्नुभएको थियो ।

योग सञ्चालन समितिका संयोजक नेत्रबहादुर डाँगीको सभापतित्वमा भएको सो कार्यक्रममा २ सय बढी मानिसहरुको उपस्थितिमा भएको थियो । असोज १० गतेबाट १५ गते सम्म सञ्चालन हुने निशुल्क योग विज्ञान शिविर, योग शिक्षक वनाउने उद्देश्यले दिनको ३ बजे देखि ६ बजे सम्म दिलकुमारी स्मृती भवनमा सञ्चालन हुने भएको छ भने विहान ४ बजे देखि ६ बजेसम्म खुल्ला रुपमा टुडिखेलमा योग गराइने समेत कार्यक्रम सञ्चालक एवं चैनपुर नगरपालिका स्वास्थ शाखाका सह संयोजक रुपनारायण झाले बताउनु
भयो ।

स्वास्थ्य मानिस स्वास्थ्य रहन,स्वास्थ्य जीवन शैली अपनउान लगात विभिन्न नसर्ने रोगहरुको समेत व्यवस्थापन गर्न योगको आवश्यक रहेको सो शिविरमा प्रशिक्षकको रुपमा पतन्जली योग समिति नेपालका केन्द्रीय सदस्य लोकनाथ ढकाल,योग समिति संखुवासभा जिल्ला अध्यक्ष दीपक कटुवाल, सोही कार्यसमितिका सदस्य खढ्ग चापागाई रहेको कार्यक्रम सञ्चालक झाले वताउनुभयो ।