लागू औषध सहित २ पक्राउ

उदयपुर, भाद्र १९ गते । रातो तारा डट कम,उदयपुर जिल्लाको त्रियुगा नगरपालिका ६ स्थित लालपत्ताबाट सोमबार लागू औषध सहित २ जना पक्राउ परेका छन् । प्रहरी चौकी कदमाहाबाट खटिएको टोलीले
सोमबार दिउँसो ३.२० बजे कदमाहाबाट गाईघाटतर्फ जाँदै गरेको ना ५ ख ७९१८ नम्बरको बस चेकजाँच गर्ने क्रममा बसमा सवार उदयपुर जिल्ला त्रियुगा नगरपालिका  ११ बस्ने वर्ष २२ को हरीशचन्द्र चौधरी र त्रियुगा नगरपालिका १२ बस्ने वर्ष २१ को महेश बोटको साथबाट लागू औषध डाईजेल्याब २ एम्पुल, लुपिजेसिक २ एम्पुल र फेनारगन २ एम्पुल बरामद गरेको हो ।

बरामद लागू औषध सहित दुबै जनालाई जिल्ला प्रहरी कार्यालय उदयपुरमा राखिएको छ । यसैगरी ताप्लेजुङ जिल्लाको पाथीभरा याङवरक गाउँपालिका २ स्थित थेचम्बुमा सोमबार गाँजा फडानी गरिएको छ । प्रहरी चौकी थेचम्बुबाट खटि गएका ग्रामीण गस्ती टोलीले सोमबार दिउवसो ३.१५ बजे स्थानीय हर्क भट्टराइ र टेक बहादुर लिम्वुको जमीनमा आफै उम्रिएको २५५ बोट गाँजा स्थानीय प्रतिनिधि, भद्र भलादमीको रोहबरमा नष्ट गरिएको उक्त कार्यालयले जनाएको छ ।