मोरङमा बेग्लाबेग्लै दुर्घटनामा ६ जना घाइते

मोरङ, भाद्र १६ गते । रातो तारा डट कम, मोरङ जिल्लाको पथरी शनिश्चरे नगरपालिका १० स्थित शिविर डाँडामा भाद्र १५ गते शुक्रबार साँझ ६.२० बजे ट्रकले मोटरसाइकललाई ठक्कर दिदा ६ जना घाइते
भएका छन् । पश्चिमबाट पूर्वतर्फ जाँदै गरेको मे ७ प ९२६२ नम्बरको मोटरसाइकललाई विपरित दिशाबाट आउँदै गरेको ना १ ख ५७१७ नम्बरको ट्रकले ठक्कर दिदा मोटरसाइकल पछाडी सवार जिल्ला झापा चन्द्रगढी नगरपालिका १० बस्ने वर्ष २१ को निकेश लिम्बु घाइते भएका छन् ।

 घाइते लिम्बुको नोबेल अस्पताल बिराटनगरमा उपचार भईरहेको छ । ठक्कर दिने ट्रक तथा चालकलाई
ईलाका प्रहरी कार्यालय पथरीले नियन्त्रणमा लिएको छ ।

यसैगरी रतुवामाई नगरपालिका १० स्थित बाँसबारी चोकमा शुक्रबार अपरान्ह
४.३० बजे मे ८ प ८०३० नम्बरको मोटरसाइकलको ठक्करबाट पैदलयात्री जिल्ला
मोरङ उर्लाबारी नगरपालिका ९ बस्ने वर्ष ४३ की निर्मला ढुङेल घाइते भएकी
छिन ।

 पैदलययात्रीसंग ठोक्किएर मोटरसाइकल समेत दुर्घटना हुँदा चालक जिल्ला
झापा कमल गाउँपालिका १ बस्ने बस्ने वर्ष ४० को बैजनाथ घिमिरे घाइते भएका
छन् । घाइते दुबै जनालाई अरनिको अस्पताल उर्लाबारी पुर्‍याई उपचार गराईएको
छ । मोटरसाइकल प्रहरी चौकी ईटहरामा राखिएको छ ।

यसैगरी सुन्दरहरैचा नगरपालिका ५ स्थित ठडिया चोकमा शुक्रबार साँझ ६.५०
बजे मे ५ प ६७८२ नम्बरको मोटरसइकलको ठक्कर बाट साईकल यात्री वर्ष ७२ को
शिव प्रसाद ढकाल घाइते भएका छन् ।

घाइते ढकाललाई मोटरसाइकल चालक जिल्ला मोरङ लेटाङ नगरपालिका ३ बस्ने वर्ष २४ को यादव भट्टराईले आफै उपचारका लागि विराट नर्सिङ होम ल्याएका छन् । मोटरसाइकल प्रहरी चौकी
गछियाको नियन्त्रणमा रहेका छ ।

यसैगरी बुढीगंगा गाउँपालिका २ स्थित कोशी राजमार्गमा शुक्रबार राती १० बजे
को २ ह २०३६ नम्बरको ट्याम्पुले ठक्कर दिदा साइकल यात्री बुढीगंगा
गाउँपालिका ६ बस्ने वर्ष ३५ को सित नारायण सरदार र वर्ष ३० को रबिन खड्का
घाईते भएक छन् ।

घाइते दुबै जनाको विराट नर्सिङ होममा उपचार भईरहेको छ
भने ट्याम्पु सहित चालक जिल्ला सुनसरी धरान उपमहानगरपालिका ५ बस्ने वर्ष
२५ को सुरज राई ईलाका प्रहरी कार्यालय निमुवाको नियन्त्रणमा रहेका छन्