प्रधानमन्त्री केपी शर्मा ओली अस्पताल भर्ना

काठमाडौ कार्तिक १२ गते । रातो तारा डट कम,
प्रधानमन्त्री केपी शर्मा ओली अस्पताल भर्ना भएका छन्। उनी शनिबारदेखि नै रुघाखोकीले ग्रस्त थिए। आइतबार राति नै उनलाई मनमोहन कार्डियो भास्कुलर सेन्टरको आइसियूमा भर्ना गरिएको अस्पतालका निर्देशक उत्तमकृष्ण श्रेष्ठले बताए।

उनको स्वासप्रश्वासमा समस्या देखिएपछि अस्पताल लगिएको हो। शनिबार आयोजित नेकपाको चियापान कार्यक्रममा समेत उनी स्वास्थ्य समस्याकै कारण जान सकेका थिएनन्। संक्रमण बढ्ने सम्भावना भएपछि चिकित्सकले उनलाई आराम गर्न सुझाव दिएपछि निवासमै बसेका थिए।

मिर्गौला प्रत्यारोपण गरेका प्रधानमन्त्री ओलीको रोग प्रतिरोधात्मक क्षमतामा कमी आएको र रुघा खोकीका कारण छातीमा संक्रमण बढेको छ।