एक खर्ब ५४ अर्ब रुपैयाँ रेमिट्यान्सु मुलुकमा भित्रियो

बिराटनगर कार्तिक ११ गते । रातो तारा डट कम,चालू आ.व.को दुई महिनामा एक खर्ब ५४ अर्ब रुपैयाँ रेमिट्यान्सु मुलुक भित्रिएकोछ । गत वर्षको सोही अवधिको तुलनामा यो करिब ३४ प्रतिशतले बढी हो ।

कान्तिपुरले दिएको समाचार अनुसार-गत वर्ष भदौसम्म रेमिट्यान्समार्फत एक खर्ब १५ अर्ब ५५ करोड रुपैयाँ नेपाल आएको थियो । चालू आर्थिक वर्षको सुरुदेखि नै वृद्धिदर उच्चदरमा हुन थालेको छ । साउनमा रेमिट्यान्स वृद्धिदर ३३.१ प्रतिशत थियो ।

भदौमा वृद्धिदर ३४ प्रतिशत हाराहारीमा पुगेको राष्ट्र बैंकको तथ्यांक छ । पछिल्ला दुई वर्षयता रेमिट्यान्स वृद्धिदर घट्दो क्रममा थियो । चालू आर्थिक वर्षको सुरुदेखि नै रेमिट्यान्स आप्रवाह वृद्धिदर उच्च देखियो ।

यो अवधिमा अमेरिकी डलरको विनिमय दर बढ्नुका साथै कोरिया,अमेरिका र भारतबाट वैधानिक प्रणालीमाफैत भित्रिने रकम बढेपछि समग्र रेमिट्यान्स वृद्धिदर उच्च बनेको राष्ट्र बैंक विदेशी विनिमय व्यवस्थापन विभाग प्रमुख भीष्मराज ढुंगानाले बताए ।