जवरजस्ती करणीको आरोपमा युवक पक्राउ

सुनसरी, कार्तिक १३ गते । रातो  तारा डट कम,जवरजस्ती करणी गरेको आरोपमा प्रहरीले धरान उप-महानगरपालिका-१५ श्याम चौक बस्ने बर्ष २५ को मनिष राईलाई पक्राउ गरेको छ ।

 राईले धरान १५ स्थित महादेव चौक बस्ने बर्ष १६ की १ बालिकालाई ललाई फकाई गरी धरान -७ स्थित परदेश होटलमा लगेर गत आइतवार राती जवरजस्ती करणी गरेको भनि बालिकाको आमाले दिएको जाहेरीको आधारमा पक्राउ गरिएको हो ।

राइलाई इलाका प्रहरी कार्यालय धरानबाट खटिएको प्रहरी टोलीले पक्राउ गरी थप अनुसन्धान भइरहेको उक्त कार्यालयले जनाएको छ ।