गोरुसिंगेमा बस र टिपर ठोक्किदा १ को मृत्यु- ३३ जना घाइते

काठमाडौ कार्तिक १२ गते । रातो तारा डट कम,दाङ-पूर्व पश्चिम राजमार्गअन्तर्गत कपिलवस्तुको बुद्धभूमि नगरपालिका-२ गोरुसिंगेको जंगलमा बस र टिपर ठोक्किएर एकको मृत्यु भएको छ भने ३३ जना घाइते भएका छन् ।

दाङबाट बुटवल आउँदै गरेको ना ६ ख २५०० नम्बरको बस र विपरित दिशामा गुड्दै गरेको लु २ ख १४७७ नंम्बरको टिपर ठोक्‍किदा दुर्घटना भएको जनाइएको छ ।

मृत्यु हुनेमा दाङ गढवाका ४ वर्षीय शुसान्त सुनारको मुत्यु भएको जिल्ला प्रहरी कार्यालय कपिलवस्तुका प्रहरी उपरीक्षक रवि रावलले जानकारी दिएका छन् ।

घटनामा ३३ जना घाइते भएका छन्। घाइतेमध्ये १३ जनाको अवस्था गम्भीर रहेको प्रहरीले बताएको छ। घाइते केहीको अवस्था चिन्ताजनक रहेको प्रहरीको भनाई छ।