गाईघाट–दिक्तेल सडक धुलाम्मे भए पछि युवाहरुले गरेको सडक अवरोध

श्याम राई-गाईघाट  मंशिर १२ गते । रातो तारा डट कम, धुलाम्मे सडकको कारण जनजिवन अस्त व्यस्त बनेको भन्दै स्थानीय युवाहरुले बुधबार त्रियुगा नगरको डिएम गेटमा २ घण्टा सडक अवरुद्ध गरेकाछन् ।

त्रियुगा नदीदेखि मुख्य चौक सम्मको सडक विस्तार एंव निर्माण कार्यमा ठेकेदारले गरेको ढिलाईले मुख्य बस्ती आसपासमा धुलो उडेर जनजिवनलाई असर परेको भन्दै डिएम गेटका युवाहरुले सडक अवरुद्ध गरेका हुन् ।‘ ठेकेदारले निर्माण कार्य निकै सुस्त गतिमा गर्दा मुख्य बजार क्षेत्र धुलोको कारण पूरै प्रदुषित बनेको छ ।’

अवरुद्धकर्ता युवाका अगुवा राहुल यादबले भने,‘ दैनिक सयौको संख्यामा चल्ने सवारी साधनको कारण पूरै बजार क्षेत्रमा धुलोले अस्तव्यस्त तुल्याएको छ ।’ यादबले भने ।
मंसिर भित्रै पूरै सडक पिच गर्नु पर्नेमा ठेकेदारले अझै काम शुरु गरेको छैन । ‘

 ठेकेदारले भत्काएर छोडेको सडकमा सवारी साधनले अचाम्ली रुपमा धुलो उढाउने हुदा सडकमा हिड्नै सकिने अवस्था छैन ।’ उनले भने । ठेकेदारले ठेक्का लगाउदा दैनिक रुपमा धुलाम्मे सडकलाई व्यवस्थीत गर्न दैनिक पानी छर्किएर व्यवस्थीत गर्ने संझौता गरिएको भएपनि ठेकेदारले त्यसो नगरेको उनले बताए ।

ठेकेदारले संझौता बमोजिम दैनिक पानी नहाल्दा अहिले नगरवासीले निकै कष्ट व्योहोर्नु परेको छ ।’ यादबले भने ।
गाईघाट–दिक्तेल सडक योजना अन्तर्गत भैरहेको उक्त काम यहि मंसिर भित्र सक्नु पर्ने भए पनि ठेकेदारले नाला निर्माणको मात्र काम सकेको छ । नाला माथि ढकनी लगाउने, ग्राभेलगरि सडक कालो पत्रे गर्ने काम भने ठेकेदारले अझै गरेको छैन ।

ठेकेदारले सडक कालो पत्रे नगर्दा उक्त सडक खण्डमा दैनिक संयौको संख्यामा गुड्ने सवारी साधनको कारण फैलने धुलोले सडक आसपासका बस्तीलाई निकै असर गरेको छ ।

युवाहरुले गरेको सडक अवरोधपछि गाईघाट–दिक्तेल सडक योजनाको कार्यालयले सडकमा धुलो नउड्नेगरि दैनिक पानी छर्किन लगाउने आश्वासन दिएको छ ।



श्याम राई÷उदयपुर