बुद्धनगरस्थित फर्निचर गोदाममा भीषण आगलागी,सबै जलेर एकै छिनमा खाग भयो

काठमाडौं,मंसिर ११ गते । रातो तारा डट कम,राजधानीको बुद्धनगरस्थित  एक फर्निचर गोदाममा भीषण आगलागी भएको छ ।सोमवार दिउँसो साढे ३ बजेदेखि राजु कार्कीको गौरीशंकर फर्निचर उद्योगमा आगलागी सुरु भएको हो ।

आगलागी सुरु भएसँगै काठमाडौं, ललितपुर र भक्तपुरका साथै स्थानीय र प्रहरीको सक्रियतामा आगो निभाउने प्रयास भइरहेको महानगरीय प्रहरी बृत्त वानेश्वरका डीएसपी गोविन्द काफ्लेले जानकारी दिए ।

उनका अनुसार टीनले बारेर बनाइएको सो गोदाममा के कारणले आगलागी भयो भन्ने बारे खुल्न बाँकी रहेको छ ।  नजिकै रहेका घरहरु पनि आगोको जोखिममा रहेकाले सो क्षेत्रमा त्रास फैलिएको छ ।