झापा, मंसिर २५ गते । रातो तारा डट कम,झापाको गौरीगंज गाउँपालिका-२ भाकुरमारीबाट प्रहरीले अवैध लागूऔषध सहित १ जना भारतीय नागरिकलाई पक्राउ गरेको छ ।
प्रहरी चौकी कोरोबारीबाट खटिएको प्रहरी टोलीले भारत किसनगंज थाना लोहागाडा-३ बस्ने वर्ष ५३ को गणेश मण्डललाई पक्राउ गरिएको इलाका प्रहरी कार्यालय गौरीगंजले जनाएको छ ।
भारतबाट नेपालतर्फ पैदल आउँदै गरेका मण्डललाई शंका लागि चेकजाँच गर्ने क्रममा लागूऔषध Codeine phosphate and Chlorpheniramine maleate syrup-6 बोतल, Dextromethorphan hydromima and clorpheniramine maleate syrup eskup dx-२ बोतल र Dextromethorphan hydromima and clorpheniramine maleate syrup cocas dx-१ बोतल फेला पारी बरामद गरेको हो ।
बरामद लागूऔषध सहित मण्डललाई इलाका प्रहरी कार्यालय गौरीगंजमा राखि थप अनुसन्धान भईरहेको उक्त कार्यालयले जनाएको छ ।
Post a Comment