अवैध सामान भन्सार बुझाईयो

मोरङ, मंसिर २५ गते । रातो तारा डट कम,इलाका प्रहरी कार्यालय रानीले अन्दाजी १ लाख १७ हजार ४ सय ८० रुपैयाँ बराबरको अवैध सामान भन्सार बुझाएको छ ।

बिराटनगर १५ को बिभिन्न एरियाबाट चेकजाँचको क्रममा भारतबाट अवैध रुपमा नेपाल तर्फ ल्याउँदै गरेको किराना सामान, स्टिलको भाँडा, तामाको गाग्री र झर्के थाल लगायतका सामान बरामद गरेको थियो ।

बरामद सामान आवश्यक कानूनी प्रकृया पश्चात कारवाहीको लागि बिराटनगर भन्सार कार्यालय रानी मोरङमा बुझाएको इलाका प्रहरी कार्यालय रानीले जनाएको छ ।