अबैध समान बरामद

मोरङ, पौष १५ गते । रातो तारा डट कम,मोरङको विराटनगर महानगरपलिका-१४ बाट ९७ हजार रुपयाँ बराबरको अवैध समान बरामद भएको छ ।

आज दिउँसो ईलाका प्रहरी कार्यालय रानीबाट खटिएको प्रहरी टोलीले भारतको जोगवनीबाट अबैध रुपमा भन्सार छलि ल्याएको किराना समान, लत्ता कपडा र स्टीलको समान गरी उक्त मुल्य बराबरको समान बरामद गरेको हो ।

बरामद भएको समान आवश्यक कारवाहीको लागि विराटनगर भन्सार कार्यालयमा बुझाईएको ईलाका प्रहरी कार्यालय रानीले जनाएको छ ।