खुकुरी प्रहारबाट १ घाईते

ईलाम, मंसिर १६ गते । रातो तारा डट कम,ईलामको ईलाम नगरपालिका-९ साँझबोटेमा भाईको खुकुरी प्रहारबाट दाजु गम्भीर घाईते भएका छन् ।

गत दिपावलीमा दाजुभाई बिच बादबिबाद भई बोलचाल नै बन्द भएकोमा शनिवार दिउसो आफ्नै घरमा सुतिरहेका बर्ष ३० का संजिब सुबेदीलाई उनकै भाई २८ बर्षीय नविन सुबेदीले पुरानो रिसिईवीका कारण घरमै गई एक्कासी खुकुरी प्रहार गर्दा दाजु संजिव सुबेदीको बाँया हातको चौंथो औंला काटीएर छिनेको र दाहिने कानको माथी टाउकोमा गहिरो चोट लागेको जिल्ला प्रहरी कार्यालय ईलामले जनाएको छ ।

घाईतेलाई तत्काल जिल्ला प्रहरी कार्यालय झापाबाट खटिएको प्रहरी टोलीले उद्धार गरी उपचारको लागि झापा पठाएको छ भने दाजुलाई खुकुरी प्रहार गर्ने नविन सुवेदीलाई नियन्त्रणमा लिई थप अनुसन्धान भईरहेको उक्त कार्यालयले जनाएको छ ।