रौतामाई गाउपालिका ३ बस्ने ८४ वर्षिय बुद्धिमान दमाईको मृत्यु

श्याम राई-गाईघाट,माघ ११ गते । रातो तारा डट कम, उदयपुरको दुई छुट्टा छुट्टै स्थानमा दुई पुरुषको शब फेला परेको छ । एक साता अघि छोरीको घर जान्छु भनी हिडेका उदयपुरको रौतामाई गाउपालिका  ३ बस्ने ८४ वर्षिय बुद्धिमान दमाईको जनता मावि रसुवा नजिकको भिरालो पाखोमा शुक्रबार फेला परेको प्रहरीले जनाएको छ । बृद्धाको लडेर मृत्यु भएको आशंका गरिएको छ ।

त्यसैगरि चौढण्डी नगरपालिका वडा न. १ दुध कोसी सामुदायिक वन क्षेत्रको रानीटार सडक खण्डमा मंगोलिएन अनुहारको मानसिक सन्तुलन ठिक नभएका एक युवकको शब शुक्रबार फेला पारेको प्रहरीले जनाएको छ ।

नाम वतन खुल्न नसकेको ति व्यक्ति सडकमा मागी हिड्ने खुल्न आएको छ । उनको मृत्युको कारण खुल्न नसकेको प्रहरी निरीक्षक गंगा प्रसाद पौडेलले बताए ।