फागुन ४ गते देखि ११ गते सम्म सुन्दरहरैँचा एक्स्पो ३ आयोजना गर्ने

शिव भट्टराई मोरङ पुस २४ गते । रातो तारा डट कम,
मोरङ्गको सुन्दरहरैँचास्थित सुन्दरदुलारी उद्योग बाणिज्य संघले फागुन ४ गते देखि ११ गते सम्म  सुन्दरहरैँचा एक्स्पो ३ संचालन गर्ने भएकोले सुन्दरदुलारी उद्योग बाणिज्य संघले सोमबार अन्तरक्रिया  कार्यक्रम सम्पन्न गरेको छ।

लक्ष्मी नारायण मन्दिरको सभाहलमा सम्पन्न भएको सो कार्यक्रमको अध्यक्षता उद्योग बाणिज्य संघ सुन्दरदुलारीका अध्यक्ष किशोर कार्कीले गरेका थिए। कार्यक्रम सुन्दरहरैचा नगरपालिकाका प्रमुख उपप्रमुखको विशिष्ट अतिथ्यतामा उद्योगपति भोलेश्वर दुलाल, वडाअध्यक्ष , निर्वाचित जनप्रतिनिधि एवम् सजिलाल मा.वीका प्रध्यानध्यापक साथै विभिन्न सघं संस्थाका प्रतिनिधिहरुको  उपस्थिति रहेको थियो।

सुन्दरदुलारी उद्योग बाणिज्य सघंले गछियामा महोत्सव (एकस्पो) आयोजना गर्ने उद्देश्यले यस अन्तक्रिया कार्यक्रम सञ्चालन गरेको हो। कार्यक्रममा बोल्दै सुन्दरहरैचाका प्रमुख शिव ढकालले सुन्दरहरैचा नगरपालिकाको पहिचान र यहाँको संचालित व्यवसाय प्रवर्धन गर्न यस महोत्सवले ठूलो योगदान पुर्याउने कुरा बताउनु भयो भने कार्यक्रममा राजनीतिक तिक्तताका आधारमा बिवाद गरेमा एक्स्पो सफल नहुने र सबैले पूर्ण साथ दिई सहभागी भएमा  कार्यक्रम सफल हुने कुरा राख्नुभएको थियो।

उद्योगपति भोलेश्वर दुलालले एकस्पो सञ्चालनका लागि ध्यान दिनु पर्ने र मुल समारोह समिती, विभिन्न उपसमितीहरु गठन बारे जानकारी गराउदै यसको चुनैति र अवसर बारे जानकारी गराउनु भयो।

कार्यक्रममा बोल्दै उपमेयर धनमाया तामाङ्गले कहिले पनि सविक सुन्दरदुलारी र साविक कोशीहरैचा विचमा नगरपालिकाले भोदभाव नगरेको कुरा बताउनु भयो।यस एक्सो ३ मा प्रमुख सल्लाहकार उद्योगपति भोलेश्वर दुलाल, सह संयोजक नागेश पोख्रेल , सुन्दरदुलारी उद्योग वाणिज्य संघका अध्यक्ष किशोर कार्की संयोजक गरी जम्मा एक सय एक सदस्यीय मूल आयोजक समिति गठन गरेको कुरा कार्यक्रम सञ्चालक साथै सुन्दरहरैचा नगरपालिका-३का वडा अध्यक्ष जीवन ढुङ्गानाले बताउनु भयो।