कर्तब्य ज्यान मुद्धाका फरार प्रतिवादी पक्राउ

तेह्रथुम, माघ १५ गते । रातो तारा डट कम,सम्मानित जिल्ला अदालत तेह्रथुमबाट कर्तब्य ज्यान मुद्धामा २० बर्ष कैद सजाय भई फरार रहेका १ जना प्रतिवादीलाई  काठमाण्डौबाट प्रहरीले पक्राउ गरेको छ । 

बिशेष सुराकीको आधारमा महानगरीय प्रहरी वृत महाराजगंज र जिल्ला प्रहरी कार्यालय तेह्रथुमको संयुक्त टोलीले काठमाण्डौं महानगरपालिका-२६ सामाखुसीमा डेरा गरी लुकीछिपी बसिरहेको अवस्थामा मोरङ डाँगीहाट-५ घर भएका बर्ष २८ को मिलन ओझालाई पक्राउ गरेको हो । 

ओझा उपर सम्मानित जिल्ला अदालतले २०७३ साल कार्तिक २३ गतेको फैसलाले २० बर्ष कैद सजाय सुनाएको थियो । पक्राउ परेका ओझालाई जिल्ला प्रहरी कार्यालयमा राखिएको छ  । उनलाई सम्मानित अदालतमा उपस्थित गराईने जिल्ला प्रहरी कार्यायल तेह्रथुमले जनाएको छ ।