ट्याक्टर अनियन्त्रित भई दुर्घटना १ को मृत्यु

झापा, माघ १३ गते । रातो तारा डट कम,झापाको कन्काई नगरपालिका-८ घागरा खोलामा शनिवार बिहान ट्याक्टर दुर्घटनामा परि चालकको मृत्यु भएको छ ।

पूर्व-पश्चिम राजमार्गमा विहान ११ बजे पश्चिम तर्फ जाँदै गरेको मे १ त १४८९ नम्बरको ट्याक्टर आँफै अनियन्त्रित भई दुर्घटना भएको हो ।

दुर्घटनामा सोही ट्याक्टरका चालक कन्काई नगरपालिका-१ बस्ने बर्ष ४७ को बिनोद कुमार दर्नाल घाइते भई उपचारको लागि झापा स्थित बि.एण्ड. सी. अस्पताल पठाईएकोमा उपचारको क्रममा सोही अस्पतालमा बिहान साढे ११ बजे मृत्यु भएको ईलाका प्रहरी कार्यालय घैलाडुब्बाले जनाएको छ ।