सरकारले निरन्तर सफलता चुम्दै– प्रधानमन्त्री ओली

काठमाण्डौं,माघ १७  गते । रातो तारा डट कम,प्रधानमन्त्री केपी शर्मा ओलीले सरकारले एकपछि अर्काे सफलता चुमिरहेको दावी गर्नुभएको छ ।  नेपाल टेलिभिजनको ३४ औं वाषिर्कोत्सव कार्यक्रममा एकपछि अर्काे नयाँ कामको थालनी गर्दै सफलता प्राप्त गरेको भन्दै उहाँले मुलुकको समृद्धिको अभियानलाई दृढतापूर्वक अगाडि बढाइरहेको बताउनुभएको हो ।

प्रधानमन्त्री ओलीले सरकारले हरेक दिन एक कदम अघि बढने संकल्प लिएको उल्लेख गर्दै त्यसलाई सफलतापूर्वक अघि बढाउने दृढता व्यक्त गर्नुभयो । प्रधानमन्त्री ओलीले जनताको विकासको चाहनालाई तीव्रता दिन सरकारले नयाँनयाँ प्रविधिको विकासमासमेत जोड दिएको दावी गर्नुभयो ।