ट्याक्टरको ठक्करबाट मोटरसाईकलमा सवार एक जनाको मृत्यु

श्याम राई-उदयपुर-गाईघाट,माघ ८ गते । रातो तारा डट कम,गाईघाट–दिक्तेल सडक खण्डको साउने जंगलमा सोमबार साँझा ट्याक्टरको ठक्करबाट मोटरसाईकलमा सवार एक जनको मृत्यु भएको
छ ।
गाईघाटदेखि साउने धाप्लाङ्गतर्फ जाँदै गरेको ट्याक्टरलाई ओभरटेक गरेर अघि बड्ने त्रममा मोटरसाईकलमा पछाडी बसेका सप्तरीको सप्तकोशी नगरपालिका वडा न. १ फत्तेपुर बस्ने ६० वर्षिय प्रेम कुमार तामाङ्गको मृत्यु भएको प्रहरीले जनाएको छ ।

स १ त ६१५२ नम्बरको उक्त ट्याक्टरको पछाडीको डालाले मोटरसाईकललाई ठक्कर दिदा सडकमा लडेका तामाङ्गलाई किचेको जिल्ला प्रहरी कार्यालय उदयपुरका डि.एस.पी. अर्जुन रानाभाटले बताए ।

ट्याक्टरले किच्दा उनको घटनास्थलमै मृत्यु भएको थियो ।
मोटरसाईकल चालक मृतकका छोरा एजेट तामाङ्ग सामान्य घाईते भएकाछन् ।

घटनापछि फरार रहेको ट्याक्टर चालकको खोजी भैरहेको डि.एस.पी रानाभाटले बताए ।